🥬 पालक पनीर रेसिपी | Palak Paneer Recipe in Marathi

 

---

🥬 पालक पनीर रेसिपी | Palak Paneer Recipe in Marathi

प्रस्तावना::-

पालकाची भाजी म्हटल्यावर चेहऱ्यावर आलेली आठ्यांची रेषा पनीर ऐकल्यावर लगेच नाहीशी होते, नाही का?

पालक पनीर! एकीकडे हेल्दी हिरवा पालक आणि दुसरीकडे मखमली पनीरचा जबरदस्त स्वाद – एकदम जिगरबाज कॉम्बिनेशन!

ही भाजी अशी की तुमचं ‘आज काय नवीन करू?’ हे प्रश्नच मिटवेल. आणि हो, खाल्ल्यावर “व्वा काय चव आहे!” हा डायलॉग नक्की ऐकू येणार, याची खात्री आहे. चला तर मग, सुरुवात करूया या भन्नाट, मजेदार आणि आरोग्यदायी सफरीला – पालक पनीरच्या दुनियेत

पालक पनीर ही एक उत्तम, चविष्ट आणि पौष्टिक उत्तर भारतीय डिश आहे जी संपूर्ण भारतात मोठ्या आवडीनं खाल्ली जाते. ही भाजी गहूच्या फुलक्यासोबत, नान किंवा भातासोबत खाल्ल्यास खूपच स्वादिष्ट लागते.

घरचा स्वयंपाक म्हणजे फक्त जेवण नव्हे – ती एक भावना आहे,

आठवणींना जागवणारी सुगंधाची लाट आहे. ❤️❤️

साहित्य (Ingredients):

पालकाची प्युरीसाठी::+

• ताजे पालक – २ मोठे जुडे

• पाणी – उकळण्यासाठी

• थंड पाणी – ब्लँचिंगसाठी
• 
  

भाजीसाठी::- 🌾🌿

• पनीर – २०० ग्रॅम (चौकोनी तुकडे करून)

• कांदा – १ मध्यम, बारीक चिरलेला

• टोमॅटो – १ मध्यम, बारीक चिरलेला

• आले-लसूण पेस्ट – १ चमचा

• हिरवी मिरची – १

• हळद – १/४ चमचा

• लाल तिखट – १/२ चमचा

• गरम मसाला – १/२ चमचा

• धनेपूड – १ चमचा

• मीठ – चवीनुसार

•  तेल – २ चमचे

कृती (पाककृती स्टेप बाय स्टेप)::

स्टेप 1: वाटण तयार करून घेऊ

          त्यासाठी मिक्सर च्या भांड्यात दोन मध्यम अकराचे कांदे,एक इंच आले,पंधरा ते सोळा लसूण पाकळ्या आणि आवडीप्रमाणे हिरवी मिरची आणि थोडंसं मीठ टाकून हे सर्व एकत्र बारीक वाटून घेऊ. हे तयार वाटण (पेस्ट ) एका वाटी मध्ये काढून घेऊ.नंतर त्याच मिक्सर च्या भांड्यात एक मध्यम अकराचा टोमॅटो बारीक वाटून घेऊ.म्हणजेच टोमॅटो प्युअरी करून घेऊ.

स्टेप 2::--पालक ब्लँच करून प्युरी तयार करून घेऊ

           पालक तीन ते चार पाण्याने स्वच्छ धुवून घेऊ

नंतर गॅस वर एका मोठ्या कढईमध्ये  पाणी गरम करून घेऊ,पाणी गरम झाले की त्यात एक चमचा मीठ टाकून घेऊ त्यानंतर त्यात स्वच्छ धुवून  घेतलेली पालक गरम पाण्यात २-३ मिनिटे शिजवून घेऊ.त्यानंतर    लगेच पालक थंड किंवा नॉर्मल पाण्यात टाकून घेऊ.

या प्रक्रियेमुळे पालकाचा हिरवा रंग टिकतो.लगेच पालक घट्ट पिळून मिक्सर च्या भांड्यात काढून घ्यायचा आहे आणि त्यात मूठ भर ताजी कोथंबीर घालून छान बारीक पेस्ट करून घेऊ.

स्टेप 3::--मसाला तयार करन घेऊ

          एका मोठ्या कढईमध्ये  दोन पळी तेल गरम करून त्यामध्ये अर्धा दालचिनीचा तुकडा आणि अर्धा चमचा जिरे टाकून छान परतून घेऊ. जिरे छान फुलल्यानंतर, त्यात वाटून घेतलेला कांदा,लसूण,आलं आणि हिरवी मिरचीची पेस्ट टाकून घेऊ. ही पेस्ट मध्यम आचेवरती दहा मिनिटं छान तेल सुटेपर्यंत  परतून घेऊ. त्यानंतर त्यामध्ये आपण आता बेसिक मसाले टाकून घेणार आहोत त्यासाठी अर्धा चमचा  हळद, एक चमचा कांदा लसूण मसाला, एक चमचा लाल मिरची पावडर, अर्धा चमचा धने पावडर,आणि गरम मसाला टाकून घेऊन छान परतून घेऊ. मसाले छान परतल्यानंतर त्यामध्ये तयार करून घेतलेली टोमॅटोची प्युरी टाकून घेऊ, टोमॅटोची प्युरी पण दोन ते तीन मिनिटे छान परतून घेऊ.

स्टेप 4:--पालक प्युरी व पनीर घालून घेऊ

         मसाला छान तेल सुटेपर्यंत परतल्यानंतर  त्यामध्ये तयार करून घेतलेली पालक प्युरी घालून घेऊ. पालकाची प्युरी घातल्यानंतर ना ती मसाल्यामध्ये छान परतून घ्यायची आहे. आवश्यकतेनुसार त्यात पाणी मिसळून मध्यम आचेवर ती एक उकळी काढून घ्यायची आहे, उकळी आल्यानंतर त्यात चवीप्रमाणे मीठ घालून घ्यायचं आहे. पालक प्युरी 10 ते 15 मिनिटे मध्यम आचेवर शिजवल्यानंतर त्यामध्ये पनीर घालून घ्यायचा आहे. पनीर घातल्यानंतर ना दोन ते तीन मिनिटं आपल्याला शिजवून घ्यायचा आहे.

स्टेप 5::--तडका करून घेऊ

 तडका करण्यासाठी एका  तडका पॅनमध्ये एक चमचा साजूक तूप एक चमचा तेल गरम करून घेऊ, गरम झाल्यानंतर ना त्यात बारीक चिरून घेतलेला भरपूर असा लसूण घालून परतून घेऊ त्यानंतर लगेचच लाल मिरची पावडर एक चमचा घालून घेऊ. तडका तयार झालेला आहे गॅस बंद करून तडका आता आपण तयार करून झालेल्या पालक पनीर वरती घालून घेऊ.

टिप:-

 पनीर टाकल्यानंतर ना जास्त वेळ भाजी शिजवू नये. जास्त वेळ पनीर शिजवल्यामुळे पनीर खायला रबरा सारखे लागते.

पनीर सॉफ्ट हवे असल्यास गरम पाण्यात ५ मिनिटे भिजवून ठेवा.

पालक थेट उकळू नका – पालक फक्त २-३ मिनिटे गरम पाण्यात बुडवून लगेच थंड पाण्यात घाला (ब्लँच करा), यामुळे त्याचा हिरवागार रंग टिकतो आणि भाजी आकर्षक दिसते.

पालक प्युरी करताना पाणी कमी वापरा – प्युरी जास्त पातळ झाली, तर भाजीही पाणचट होते. पिठं किंवा काजू पेस्टने थोडं घट्टपणा मिळवता येतो.

हळदीचा वापर कमी करा – पालक पनीरला जास्त हळद दिल्यास त्याचा रंग निस्तेज होतो. त्यामुळे अगदी थोडीशीच हळद वापरा.

हि आपली पालक पनीर ची भाजी गरमागरम फुलक्यांसोबत, बटर नान किंवा जिरा राइससोबत खूप छान लागते . या भाजीचे पोषणमूल्य तुमच्या जेवणात एक वेगळाच स्वाद,आनंद आणतात.

 सविस्तर रेसिपी व्हिडिओ पाहण्यासाठी इथे क्लिक करा 👇👇👇

 पालक पनीर रेसिपी 😋

https://youtu.be/ADB1jtJ0fsY?si=8n87tIwDM_XS0FE-

 🧒🧒🧒बेस्ट लंच बॉक्स फॉर किड्स | स्कूलसाठी परफेक्ट टिफिन बॉक्स Amazon वरून | Budget Friendly"

🎒 🧒Perfect Tiffin Box for School Kids (Amazon affiliate )👇👇👇👇

https://amzn.to/3GUaShc

तुम्हाला हा प्रॉडक्ट आवडला की वर ☝️☝️☝️☝️ दिलेल्या लिंकवर क्लिक करून लगेच ऑर्डर करा!😊